Böyük Britaniyanın keçmiş baş naziri Boris Conson deyib ki, II Yelizaveta hakimiyyəti ötürmək üçün ölümünü iki ay gecikdirib.
KONKRET.az xəbər verir ki, onun sözlərinə görə, 2022-ci ilin yayına qədər sümük xərçəngindən əziyyət çəkən Elizabetin səhhəti sürətlə pisləşməyə başlayıb, lakin onun zehni xəstəlikdən tamamilə təsirlənməyib.
O, son vəzifəsini yerinə yetirmək əzmini saxlaya bilib. Bir hökumətdən digərinə nizamlı keçidə nəzarət etmək üçün sağ qalmağı bacaran kraliça 2022-ci ilin yayında Britaniyada siyasi böhranın qismən qarşısını alıb. Conson iyulda istefa verib, lakin iki ay ərzində yeni hökumət başçısı seçilə bilməyib.
Sentyabr ayında Liz Trussın baş nazir olacağı məlum olub. Sentyabrın 6-da II Yelizaveta sonuncu dəfə Consonla görüşüb və Trussu hökumətin başçısı təyin edib.
Sentyabrın 8-də isə Bukingem sarayı kraliçanın ölümünü elan edib.
Aysu İbrahimova,
KONKRET.az
