Tehran Yaxın Şərqdə vəziyyətin inkişafı üçün müxtəlif variantları nəzərdən keçirir. Bunlardan biri İsrailə qarşı mübarizədə müqavimət qüvvələrinə kömək etmək üçün Livan və Qolan təpələrinə qoşun göndərməkdir.
Bakupost.az TASS-a istinadən xəbər verir ki, bu barədə İslam İnqilabı Keşikçiləri Korpusunun (SEPAH) yüksək rütbəli hərbi komandiri Möhsün Rafiqdust bildirib.
“Bütün variantlar, hətta İrandan İsrailə qarşı döyüşmək üçün qoşun göndərmək də ölkəmizin silahlı qüvvələri tərəfindən nəzərdən keçirilir. Bizim Livan və Qolana qoşun göndərmək imkanımız var", - deyə
Rafiqdust “Didban-e Iran” portalının İranın münaqişəyə birbaşa müdaxiləsi ehtimalı ilə bağlı sualı cavablandırıb.
Onun sözlərinə görə, Tehran havada, quruda və dənizdə əməliyyatlar üçün öz hərbi texnikası istehsal edir və müdafiə sektorunda özünü tam təmin etmək səviyyəsinə çatıb.
"Düşmən yadda saxlamalıdır ki, İranı məğlub etmək mümkün deyil", - deyə İran İnqilab Keşikçiləri Korpusunun yüksək rütbəli zabiti vurğulayıb.
Qeyd edək ki, sentyabrın 30-da İran Xarici İşlər Nazirliyinin sözçüsü Nasser Kənani Tehranın şiə "Hizbullah" hərəkatına kömək etmək üçün öz qoşunlarını göndərməyi planlaşdırmadığını bidlrimişdi.
Oktyabrın 1-də axşam İran HƏMAS, Hizbullah və SEPAH liderliyindəki əsas şəxslərin öldürülməsinə cavab olaraq İsrailə genişmıqyaslı raket hücumu həyata keçirib. Tehran raketlərin 90%-nin nəzərdə tutulan hədəfləri uğurla vurduğunu bildirib, İsrail isə İranın 180-ə yaxın raket atdığını və onların əksəriyyətinin ələ keçirildiyini iddia edir. İsrail Baş Qərargahı “zamanı seçəcəyini” və hücuma cavab verməklə təəccübləndirəcəyini vəd edib. İranın ali lideri Ayətullah Əli Xamenei İsrailə hücumların daha da genişlənəcəyi barədə ivrit dilində xəbərdarlıq edib.
Zaur
BakuPost
