Avropa Komissiyasının (AK) üzvləri Macarıstanda qəbul edilən “Suverenliyin qorunması haqqında” qanuna görə Lüksemburqda Avropa İttifaqı (Aİ) məhkəməsində iddia qaldırmağa qərar verib.
Bu barədə AK-nın yaydığı bəyanatda deyilir.
Qurumun saytındakı sənəddə deyilir: “Bu gün Avropa Komissiyası Macarıstanın “Suverenliyin qorunması haqqında” milli qanununun Aİ qanunlarını pozduğuna inandığı üçün onun işini məhkəməyə vermək qərarına gəlib”.
Komissiya vurğulayıb ki, 2024-cü ilin fevral və may aylarında Macarıstana iki rəsmi bildiriş göndərilmiş və qəbul edilmiş sənədlə bağlı narahatlıq ifadə edilmişdir. Cavabında onlar bildiriblər ki, qaldırılan narahatlıqlar əsassızdır, çünki “suverenliyin qorunması haqqında qanun Aİ qanunlarını pozmur”.
