İsrailin dünən Livana endirdiyi hava zərbələri nəticəsində 23 nəfər ölüb, 93 nəfər yaralanıb. Livan Səhiyyə Nazirliyinə tabe olan Xalq Sağlamlığı Təcili Əməliyyatlar Mərkəzinin verdiyi açıqlamada hücumlarla bağlı ətraflı məlumat verilib.
Açıqlamaya görə, İsrail ordusunun Livanın cənubundakı Nabatiyeh, Bekaa, Baalbek Hirmil və Cebel Livan bölgələrinə endirdiyi hava zərbələri ciddi fəsadlara yol açıb. Sentyabrın 23-dən etibarən Livana edilən zərbələr nəticəsində ümumilikdə 1204 nəfər həyatını itirib, 3411 nəfər isə yaralanıb.
Livan rəsmi mənbələrinin məlumatlarına görə, İsrailin hücumları nəticəsində 1 milyon 200 mindən çox insan yurd-yuvalarından didərgin düşüb. Bu vəziyyət, bölgədəki humanitar vəziyyəti daha da ağırlaşdırır.
