Cümə axşamı gecəsi ABŞ-ın Florida ştatının qərb sahillərini vuran Milton qasırğası özü ilə 70 m/s-ə çatan külək və güclü leysan yağışları ilə müşayiət olunan tornado gətirib, BBC yazır.
CBS telekanalı cümə axşamı axşam Florida Hüquq Mühafizə Departamentinə istinadən xəbər verir ki, ölənlərin sayı 16-ya çatıb.
Sent-Lusiya qraflığındaki düşərgədə beş nəfər ölüb. Xilasedicilər daha bir şəxsi öz evinin dağıntıları altında tapıblar.
Florida qubernatoru Ron DeSantis günortadan sonra keçirdiyi mətbuat konfransında vurğuladı ki, ölənlərlə bağlı məlumat ilkindir və hakimiyyət hələ fəlakətin qurbanı olmuş ştatın bütün sakinlərinin ümumi siyahısına malik deyil.
Qasırğanın yolundakı yaşayış binaları, kilsələr, pərakəndə satış və ofis binalarına ciddi ziyan dəyib.
Florida ştatının əsas şəhərlərindən biri olan Orlandodan bir qədər şimalda yerləşən Orinc Siti şəhərinin səlahiyyətliləri bildirirlər ki, orada yağan yağış yolun bütün hissələrini bir neçə yerdə uçub və bir neçə metr enində dərələr yaradıb.
Şəhərin yanğınsöndürmə idarəsi bildirib ki, şəhərdə “çoxlu yollar” “ya tamamilə yuyulub, ya da su altında qalıb”.
Orlandonun özü qismən su altında qalıb.
Saysız-hesabsız elektrik xətlərinin kəsilməsi səbəbindən Floridada 3 milyona yaxın bina hələ də işıqsız və susuz qalıb.
Oxuməni.az
