Nobel Sülh Mükafatı Xirosima və Naqasaki bombardmanlarından sağ çıxan Yaponiya təşkilatı “Nihon Hidankey”ə “nüvə silahlarından azad dünya yaratmaq səylərinə və nüvə silahının bir daha heç vaxt istifadə edilməməsinin nümayiş etdirilməsinə görə” verilib.
Press-relizdə deyilir ki, “Nihon Hidankey”ə sülh mükafatını verməklə komitə fiziki əzablara və acı xatirələrə baxmayaraq, ümid və sülh arzusunu gücləndirmək üçün əziyyətlə qazandıqları təcrübələrindən istifadə etməyi seçmiş bütün sağ qalanların xatirəsini ehtiramla yad etmək istəyir.
Nobel Komitəsi xatırladır ki, gələn il nüvə enerjisindən ilk dəfə hərbi məqsədlər üçün istifadə olunmasının 80 ili tamam olacaq.
