Marafonda yeni rekord

Keniyalı yüngül atlet Rut Çepngetiç Çikaqo marafonunun qalibi olmaqla yanaşı, yeni dünya rekorduna imza atıb.

O, məsafəni 2 saat 9 dəqiqə 57 saniyəyə qət edib. Əvvəlki rekord Efiopiya təmsilçisi Tiqist Assefeyə məxsus idi (2 saat 11 dəqiqə 52 saniyə), o, bu rekorda 2023-cü ildə Berlin marafonunda imza atmışdı.

Çikaqo marafonunda 2-ci yeri efiopiyalı Sutume Kebede (7 dəqiqə 36 saniyə geridə), 3-cü yeri isə keniyalı İrin Çeptai (+7,56) tutub.