Şəmkir, 22 oktyabr, Elcan Məmmədov, AZƏRTAC
Şəmkir rayonunda “Yaşıl dünya naminə həmrəylik ili” çərçivəsində silsilə tədbirlər davam etdirilir.
AZƏRTAC-ın bölgə müxbiri xəbər verir ki, bu gün keçirilən ağacəkmə aksiyasında əvvəlcədən müəyyən edilmiş ərazilərə torpaq-iqlim şəraitinə uyğun 4000 ədəd şam, çinar və göyrüş ağacı əkilib, ağacların suvarılması təmin edilib. Həmçinin əkilən ağacların küləkdən qorunması üçün dirəklər basdırılıb.
Qeyd edək ki, Şəmkirdə “Yaşıl dünya naminə həmrəylik ili” çərçivəsində ötən həftə keçirilən aksiyada 3500 ağac əkilmişdi. Aksiyanın oktyabr ayının sonunadək davam etdirilməsi nəzərdə tutulur. Rayon ərazisində yaşıllıqların daha da artırılması məqsədilə mövsüm ərzində, ümumilikdə, 14 min şam, görüş və çinar ağaclarının əkilməsi planlaşdırılır.
