“Məktəbəqədər təhsil müəssisələrində keçirilən imtahan adından da göründüyü kimi diaqnostik xarakter daşıyır. Diaqnostik qiymətləndirmə nəticəsində uşaq bağçalarındakı vəziyyətlə tanış olduq və buna uyğun olaraq da ölçmə alətlərimizi hazırlamalıyıq. Çünki əsas məqsəd sertifikasiyaya hazırlıqdır”. SİA xəbər verir ki, bu sözləri jurnalistlərə açıqlamasında Elm və Təhsil naziri Emin Əmrullayev deyib.
O bildirib ki, diaqnostik qiymətləndirmə ilə bağçalarda həm yüksək nəticə göstərən, həm də təkmilləşməyə ehtiyacı olan tərbiyəçilərin işlədiyini görmüş olduq.
Bağça çox spesifik müəssisədir. Çünki burada təhsil və qayğı məsələsi birgədir. Əsas məqsədimiz isə bağçaların qayğı ilə yanaşı, həm də təhsil müəssisəsi kimi fəaliyyəti göstərməsini təmin etməkdir”.
