Çinin özəl "Deep Blue Aerospace" şirkəti kosmos turistləri üçün 1,5 milyon yuan (təxminən 210 min dollar) dəyərində bilet satışına başlayıb.
Milli.Az qafqazinfo-ya istinadən xəbər verir ki, bu barədə "South China Morning Post" məlumat yayıb.
Bildirilir ki, şirkət artıq 2027-ci ildə ilk uçuş üçün iki bilet satıb.
Məlumata görə, suborbital kosmos səyahətinin müddəti 12 dəqiqə olacaq.
Çinin şərqindəki Jianqsu əyalətində yerləşən şirkət ilk biletlərini oktyabrın 24-də satışa çıxarıb və canlı yayım zamanı cəmi 20 dəqiqə ərzində sata bilib.
Nəşrin qeyd etdiyi kimi, Çin şirkətinin qiymətləri digər rəqiblərindən xeyli aşağıdır.
Milli.Az
Xəbərlərimizi WhatsApp kanalımızdan da oxuyun
