Azərbaycan Respublikasının Prezidentinin 27 dekabr 2018-ci il 852 nömrəli Sərəncamı ilə təsdiq edilmiş “Azərbaycan Respublikasında yol hərəkətinin təhlükəsizliyinə dair Dövlət Proqramı”nın 7.4.2.2 bəndinin icrasının təmin edilməsi məqsədi ilə Naftalan Şəhər İcra Hakimiyyətinin təşkilatçılığı ilə şəhər Uşaq Gənclər və İdman məktəbində "Yol hərəkəti təhlükəsizliyi" mövzusunda maarifləndirici tədbir keçirilib.
Tədbirdə ŞİH-nin, ŞPŞ-nin məsul əməkdaşları, Naftalan şəhəri üzrə Gənclər və İdman sektorunun, Uşaq Gənclər və İdman məktəbinin kollektivləri, yeniyetmə və gənclər iştirak edib.
Tədbirdə məktəblilərə yol hərəkəti qaydaları, yol nişanları haqqında ətraflı məlumat verilib. Yol nişanları, piyada keçidləri, təhlükəsizlik kəmərinin əhəmiyyəti ilə bağlı maarifləndirici söhbət aparılıb. İştirakçılara yolda daha diqqətli olmaları tövsiyə edilib. Yollarda uşaqların təhlükəsizliyinin təmin olunmasında profilaktik tədbirlərin və maarifləndirmə işlərinin vacibliyi vurğulanıb.
