"Tarixcəsi mənfi olan bank müştərilərinə heç bir bank borc vermir".Bunu Qaynarinfo-ya açıqlamasında iqtisadçı vəkil Əkrəm Həsənov bankların "qara siyahı"sından çıxmağın hüququ yollarını izah edərkən deyib. Vəkil bildirib ki, banklarda "qara siyahı" deyil, kredit tarixcəsi deyilən bir anlayış var:"Yəni tarixi dəyişmək mümkün deyil. Kiminsə nə vaxtsa banklarda problemi olubsa, kreditlərini gecikdiribsə və s. bankın tarixcəsində qalır".Vəkil deyib ki, banklar kredit tarixcəsi problemli şəxslərə kredit ayıra bilər: "Amma vermirlər. Kredit tarixçəsi pis, problemli olan şəxslər banklardan kredit götürə bilərlər. Kimsə girov qoya bilər, ya da onlara zamin dura bilərlər".
