"Mançester Yunayted"də müvəqqəti olaraq baş məşqçinin funksiyalarını yerinə yetirən Rud van Nistelroy klubun mətbuat xidmətinə açıqlama verib.
Fanat.Az-ın məlumatına görə, "qırmızı şeytanlar"ın sabiq hücumçusu belə danışıb:
"Məni bu yay sevdiyim kluba Erik ten Haq qaytardı. Onunla bir neçə ay işləsəm də, gedişini izləmək üzücü idi... Komandanın işlərinin yaxşı getməməsinə rəğmən, bura qayıtdığım üçün şadam.
"Mançester Yunayted"ə müvəqqəti olaraq rəhbərlik etmək belə, xoşdur. Bu işi nə qədər istəsələr, görə bilərəm. Söz verirəm ki, kluba hər şeyimi verməyə davam edəcəm və vəziyyəti yaxşıya doğru dəyişməyə çalışacam. Bu mövsüm bəzən MY-nin real potensialını görmüşük, amma bu nadir hallarda olub".
Xatırladaq ki, ten Haq İngiltərə nəhənginin baş məşqçi postundan oktyabrın 28-də qovulub.
Nihat
