İstanbul Sabiha Gökçen (İSG) Beynəlxalq Hava Limanından bu gündən etibarən “Pegasus” hava yolu şirkəti ilə İrlandiyanın paytaxtı Dublinə birbaşa uçuşlar başlayıb.
Hava limanı rəsmilərindən verilən məlumata görə, İSG Türkiyənin beynəlxalq hava yolu şəbəkəsini genişləndirməyə davam edir. İSG-dən Dublinə çərşənbə və şənbə günləri olmaqla həftədə 2 dəfə birbaşa reys həyata keçiriləcək.
“Pegasus” hava yolu şirkətinin Dublin xətti ilə İrlandiyaya səyahət asanlaşacaq, eyni zamanda Amerika Birləşmiş Ştatları və Kanadaya da əlaqə imkanı təmin ediləcək. Şimali Amerikaya birbaşa əlaqəsi olan İstanbuldan tranzit uçuşlarla Nyu York, Boston, Çikaqo və Toronto kimi əsas şəhərlərə uçuşlar mümkün olacaq.
