Kişi basketbolçular arasında Azərbaycan çempionu olan “Sabah” komandası bu gün FİBA Avropa Kubokunda növbəti matçına çıxıb.
Arena.az xəbər verir ki, Rimas Kurtinaytisin rəhbərlik etdiyi kollektiv G qrupu çərçivəsində Belçika təmsilçisi “Spiru” ilə qarşılaşıb.
Paytaxt klubu bu rəqibi ilə doğma meydanda üz-üzə gəlib. Bakı İdman Sarayında baş tutan oyun Azərbaycan çempionu üçün uğursuz alınıb. Təmsilçimiz yekunda 68:78 hesabı ilə uduzub.
Xatırladaq ki, bu komandalar arasında ilk matçda da belçikalılar doğma meydanda 82:81 hesabı ilə qələbə qazanmışdılar. Azərbaycan təmsilçisi həmçinin evdə “Marussi”yə (Yunanıstan) 70:82, “Norçöpinq Dolfins”ə (İsveç) 70:74 hesabı ilə uduzub.
Qeyd edək ki, turun digər oyununda “Norçöpinq” “Marussi”ni qəbul edəcək.
FİBA Avropa kuboku
G qrupu, 4-cü tur
30 oktyabr
“Sabah” – “Spiru” (Belçika) 68:78 (24:22, 17:16, 14:18, 13:22)
Hakimlər: Zdenko Tomasoviç (Slovakiya), Tolqa Edis (Türkiyə), Viktor Naqi (Macarıstan).
Bakı İdman Sarayı.
Xallar: Spiru – 8. Marussi – 5. Norçöpinq – 4. Sabah – 4.
