ABŞ Prezidenti Co Bayden prezident seçkilərində kimin qalib gəlməsindən asılı olmayaraq, 2025-ci il yanvarın 20-də öz varisinin inauqurasiya mərasimində iştirak edəcək.
Yeniavaz.com xəbər verir ki, bunu Ağ Evin mətbuat katibi Karin Jan-Pyer jurnalistlər üçün keçirdiyi növbəti brifinqdə deyib.
Onun sözlərinə görə, ABŞ xalqı hakimiyyətin dinc yolla ötürülməsini görməlidir.
“Siz məhz prezidentdən bunu görəcəksiniz”, - Jan-Pyer bildirib.
“İnaqurasiyada iştirak etmək bu prosesin bir hissəsidir. Tarixən bu, müntəzəm olaraq baş verir. O, şübhəsiz ki, burada iştirak edəcək”, - Ağ Evin mətbuat katibi əlavə edib.
Qeyd edək ki, Baydenin andiçmə mərasimi 20 yanvar 2021-ci ildə ABŞ Konqresinin binasının pilləkənlərində baş tutub. 2020-ci il seçkilərində məğlub olan Tramp andiçmə mərasimində iştirak etməyib və mərasimin başlanmasına bir neçə saat qalmış Floridaya uçub.
