İngiltərə Liqa Kubokunun 1/8 final mərhələsində səfərdə "Brayton"u məğlub edərək mübarizədən kənarlaşdıran (3:2) "Liverpul"un baş məşqçisi Arne Slot oyun barədə fikirlərini bölüşüb.
Fanat.Az xəbər verir ki, onun sözlərini "qırmızılar"ın rəsmi saytı belə çatdırıb:
"Çətin idi. Bura gəlirsənsə, işinin asan olmayacağını anlamalısan. "Brayton" öz oyun üslubu olan yaxşı komandadır. Son illərdə onlar sıralarına yeni oyunçular cəlb edərək daha da gücləniblər.
Oyunçularımın ifasında gördüyüm futbol xoşuma gəldi. Uşaqlar əsas oyunçuların tərzində oynadılar. Bu isə o deməkdir ki, qarşıdakı çempionat matçı üçün heyət müəyyənləşdirmək mənim üçün daha çətin olacaq".
Nihat
