Türkiyənin Turizm Mərkəzlərindən olan Ayvalık Mahalının sualtı zənginliyi nümayiş etdirilib 

Türkiyənin əhəmiyyətli turizm mərkəzlərindən olan Balıkəsirin Ayvalık Mahalında sualtı canlılıq nümayiş etdirilib.

Sualtı sənədli filmin prodüseri və kinooperatoru Tahsin Ceylanın Prodivers Ayvalık Dalğıc Məktəbi və Kuzey Mavi Dalğıc Mərkəzinin qrupları ilə birlikdə etdiyi dalışlar zamanı bölgənin faunası və florası görüntülənib.

Bölgənin “Kərbəla” adlanan nöqtəsindən edilən dalış zamanı bir vaxtlar süngər ovu edildiyi yerlərdə canlı həyat qeydə alınıb.

Dalğıc qrupu Beynəlxalq Təbiəti və Təbii Sərvətləri Mühafizə İttifaqının (IUCN) qırmızı siyahısında olan nəsli kəsilməkdə olan qırmızı və sarı mərcanları və dəniz otlarını yaxından izləyib.

Onurğasızlar və qruplar da daxil olmaqla bir çox balıq növünü də qeydə alan Tahsin Ceylan və ətrafı Bodrumun əfsanəvi süngər balıqçısı “Aksona” ləqəbli Mehmet Başın 30 metr dərinlikdə qoyduğu mərmər lövhənin videosunu da çəkib.

Tahsin Ceylan bildirib ki, Ayvalık bölgəsinə “Türkiyənin Qırmızı dənizi” demək olar.

Bölgədəki həyata şahid olduqlarını ifadə edən Ceylan, “Bölgədə nəsli kəsilməkdə olan qırmızı mərcan və sarı mərcan var. Birləşmiş Millətlər də onları izləyir. Trol gəmiləri və üzərlərinə lövbər atmaq onlar üçün ən böyük təhlükədir” deyib..