Braziliyanın "Fluminense" klubu məhur futbolçusu Marselo ilə yollarını ayırıb.
QOL.az klubun mətbuat xidmətinə istinadən xəbər verir ki, braziliyalı müdafiəçinin müqaviləsinə xitam verilib.
Buna səbəb 37 yaşlı futbolçunun baş məşqçisi Menezeslə mübahisə etməsidir. O, ölkə çempionatının "Qremio" ilə matçında (2:2) oyuna daxil olarkən baş məşqçisinin ona verdiyi taktiki tapşırıqlara etiraz edib. Buna görə də Menezes dəyişikliyi ləğv edib və Marselonu meydana buraxmayıb.
Qeyd edək ki, Marselo karyerasının ən parlaq dönəmini İspaniyanın “Real" klubunda keçirib. O, 2007-2022-ci illərdə Madird klubunda 387 oyun keçirib və 27 qol vurub.
