Prezident Aparatının rəhbəri Andrey Yermak Ukraynanın Rusiya ilə heç bir danışıqlar aparmadığını vurğulayıb.
HİT.az xəbər verir ki, o, bu barədə televiziyada Ukrayna və Rusiya arasında enerji zərbələrinin dayandırılması ilə bağlı danışıqların aparılması ilə bağlı bir sıra kütləvi informasiya vasitələrinin yaydığı məlumatı şərh edərkən bildirib.
“Bu barədə yazılanlar - guya Ukrayna-Rusiya danışıqları olması ilə bağlı bu söhbətlər doğru deyil. Nə baş verir? Tematik konfranslar keçirdik. İlk konfrans enerji təhlükəsizliyi ilə bağlı olub. Bu onlayn idi, lakin Qətər həmtəşkilatçı olub. Həmin konfrans baş tutanda biz Sülh Formulasının bu bəndində prinsipləri müəyyən etdik. Çox sayda ölkə var idi", deyə Yermak bildirib.
Bu konfranslarda Rusiyadan nümayəndə heyətinin olub-olmaması ilə bağlı suala Yermak vurğulayıb: “Xeyr, bütün bu tematik konfranslar Rusiyasız keçir. Müxtəlif qitələrdən çoxlu ölkələr var idi. Və hər şey bitəndə biz prinsipləri müəyyənləşdirdik".
Jurnalistin ortaqların Ukraynadan Rusiya Federasiyası ərazisində müəyyən obyektləri vurmamağı tələb edib-etməməsi ilə bağlı dəqiqləşdirməsinə PA rəhbəri belə cavab verib:
“Gəlin belə deyək. Bizdən heç bir şey tələb olunmayıb, amma əlbəttə ki, biz bilirik ki, ölkələr dəstəkləyəcəklər".
Yermakın izah edib, ölkələr bunu ilk növbədə Rusiya ilə baş verənlərdən narahat olduqları üçün deyil, ilk növbədə enerji sistemimizin davamlı hücumlar altında olmaması üçün bunun bizim üçün də vacib olduğunu başa düşərək dəstəkləyəcəklər.
Samir
