"Sex and the City" serialı ilə tanınan amerikalı aktrisa Sara Cessika Parker qarət edilib.
Qaynarinfo xəbər verir ki, bu barədə "Daily Mail" yazıb.
Məlum olub ki, 59 yaşlı ulduzun "Halloween" bayramına görə evinin pilləkənlərini bəzəmək üçün istifadə etdiyi balqabaqları oğurlanıb. Oğrular aktrisanın bütün dekorasiyasını aparıblar, lakin onların üzləri müşahidə kamerasına düşüb.
Parker səssiz qalmayıb və oğurluq barədə ictimaiyyətə danışıb. Üstəlik, o, malikanəsinin qapısına "Balqabaq oğrularına ar olsun!" yazılmış lövhə asıb və cinayətkarların şəklini yapışdırıb.
Yeri gəlmişkən, aktrisanın başına belə xoşagəlməz hadisə ilk dəfə gəlmir. 2019-cu ildə də oxşar hadisə baş verib. Daha sonra Sara Cessikanın bayramdan əvvəl xüsusi olaraq Berkşirdən gətirdiyi balqabaqları da çürüyüb.
Aydın
