Ötən yay Portuqaliya nəhəngi "Portu"nun "Hammarbi"dən 4,5 milyon avro qarşılığında heyətinə qatdığı türk əsilli futbolçu Dəniz Gül milli komanda seçimini edib.
"Operativ Media" xəbər verir ki, İsveç millisinin aşağı yaş qruplarında forma geyinən Dəniz Gül əsas milli seçimini Türkiyənin xeyrinə edib.
İsveç U21 Milli komandasının baş məşqçisi Daniel Backström Dəniz gülün ehtiyat heyətə çağrılmamasının səbəbini futbolçunun Türkiyə millisində oynamağı seçməsindən dolayı olduğunu bildiriib və iddiaları təsdiqləyib.
İsveçin U19, U20 və U21 komandalarında ümumilikdə 10 oyun keçirən 20 yaşlı mərkəz hücumçusu hələ A Milli səviyyəsində oynamadığı üçün dəyişiklik etmək hüququna malik olub.
Boyu 1,90 metr olan Dəniz Gül bu mövsüm transfer olunduğu "Porto"da 5 matçda forma geyinib və 2 qol vurub.
