Türkiyənin "Fənərbağça" klubunun baş məşqçisi Joze Mourinyo Türkiyə Futbol Federasiyasının (TFF) Peşəkar Futbol İntizam Şurası (PFDK) tərəfindən cəzalandırılıb.
"Report" qurumun mətbuat xidmətinə istinadən xəbər verir ki, portuqaliyalı mütəxəssis Türkiyə Super Liqasının 11-ci turunda "Trabzonspor"la (3:2) keçirilən matçdan sonra azarkeşlərə və rəqibə hörmətsizlik, həmçinin hakimləri tənqid etməsi əsası ilə bir oyunluq disvalifikasiya olunub.
O, həmçinin 958 min lirə (25,5 min avro) cərimələnib.
"Cebheinfo.az"
