1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Kiyev Tehranla 1993-cü ildə bağlanmış hava əlaqəsi haqqında sazişini ləğv edib.
Oxu.Az xəbər verir ki, bu barədə Ukrayna hökumətinin saytında məlumat verilib.
Ukrayna 2022-ci il fevralın 24-dən ölkə üzərindəki hava məkanını bağlayıb. O vaxtdan bəri mülki aviasiyada müntəzəm uçuşlar olmayıb. Faktiki olaraq, Ukraynanın qərarı o deməkdir ki, hava məkanı açıldıqdan sonra İranla hava hərəkəti bərpa olunmayacaq.
Ukrayna İranı Rusiyaya yardım göstərməkdə ittiham edir. Daha əvvəl Kiyev Rusiya ilə bir çox müxtəlif, o cümlədən MDB çərçivəsində bağlanmış, əslində uzun illər əvvəl fəaliyyətini dayandırmış sazişləri pozmuşdu.
