Azərbaycan Dövlət Neft Şirkəti (SOCAR) Qvineya-Bisau Respublikası ilə “yaşıl enerji” və dekarbonizasiya sahələrində əməkdaşlıq imkanlarını araşdırır.
“İki sahil” xəbər verir ki, bunu SOCAR prezidenti Rövşən Nəcəf “X” sosial şəbəkəsindəki hesabında bildirib.
Şirkət rəhbəri qeyd edib ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində Qvineya-Bisau Respublikasının ətraf mühit naziri Viriato Kassami ilə görüşü olub: “Görüş zamanı “yaşıl enerji” və dekarbonizasiya sahələrində əməkdaşlıq imkanlarını araşdırdıq və qarşılıqlı maraq doğuran bir sıra məsələlər müzakirə olunub”.
