Noyabrın 11-də yenidən bu vəzifəyə seçilən Yaponiyanın baş naziri Şiqeru İşiba noyabrın 15-də Peruda Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində Çinin sədri Si Cinpinlə görüşməyi planlaşdırır. Bu barədə Kyodo agentliyi məlumat yayıb.
Məlumata görə, hazırda bununla bağlı müvafiq koordinasiya aparılır. Bazar ertəsi İşiba APEC və G20 sammitlərində iştirak etmək üçün Peru və Braziliyaya səfər etmək niyyətində olduğunu açıqladı. O bildirib ki, səfər zamanı ABŞ prezidenti Co Bayden, Koreya Respublikasının prezidentləri Yoon Seok Yeol və digər dünya liderləri ilə görüşmək niyyətindədir.
Xatırladaq ki, oktyabrın 10-da İşiba artıq Laosda Cənub-Şərqi Asiya Ölkələri Assosiasiyasının (ASEAN) sammiti çərçivəsində Çinin Baş naziri Li Qiang ilə görüşüb. Daha sonra tərəflər strateji əməkdaşlığın gücləndirilməsinin və mövcud problemlərin konstruktiv həllinin tərəfdarı olduqlarını bildiriblər.
Oxuməni.az
