“Benfika”nın futbolçusu Tomas Arauxo karyerasını İngiltərədə davam etdirə bilər.
Futbolpress.az xəbər verir ki, “Çelsi” 22 yaşlı müdafiəçinin xidmətində maraqlıdır. Bu barədə “Ojogo” nəşri məlumat yayıb. İngiltərə klubu artıq oyunçu üçün Portuqaliya təmsilçisi ilə danışıqlara başlayıb.
“Transfermarkt”da dəyəri 15 milyon avro olan Tomasın sərbəstqalma məbləği 100 milyon avrodur.
Arauxo bu mövsüm 12 oyunda 1 məhsuldar ötürmə edib.
