İnanırıq ki, bu gün iqlim dəyişikliyinə uyğunlaşaraq dünya üzrə fermerləri dəstəkləmək üçün həll yolları mövcuddur.
APA xəbər verir ki, bunu COP29 çərçivəsində “Dəyişiklik yaradan güc: İqlimə dayanıqlı gələcək üçün gender əsaslı innovasiyaların inkişafı” tədbirində çıxışı zamanı Pula şirkətinin rəhbəri Rose Goslinga deyib.
Yaxşı əkinçilik təcrübələri, dövlət və özəl sektor tərəfdaşlığı və sığorta 100 milyon fermer təşəbbüsünü reallaşdırmağa yardımçı ola bilər.
O bildirib ki, “Pula” iqlim dəyişikliklərinin kənd təsərrüfatına vurduğu zərərlər fonunda innovativ sığorta məhsulu təqdim edir: “Şirkət uzaqdan zondlama və maşın öyrənməsindən istifadə edərək iqlimin oxşar olduğu Aqro Ekoloji Zonaları inkişaf etdirən ölkələrin xəritəsini yenidən tərtib edir. Mobil tətbiq üzərindən təqdim edilən məhsul fermerlərin xərclərinə qənaət etməyə imkan yaradır”.
