Ukrayna prezident seçkilərinə gedir: Müharibə bu tarixdə bitəcək

Ukraynada prezident seçkilərinin 25 may 2025-ci ildə keçirilə biləcəyiiddia edilir. Bu barədə “The Economist” məlumat yayıb. Nəşrin məlumatına görə, prezident Volodimir Zelenski sözügedən tarixdə ölkədə prezident seçkiləri keçirməyi planlaşdırır. Nəşr Ukraynada atəşkəs və hərbi vəziyyətin ləğvinin20 yanvar 2025-ci ildə mümkün ola biləcəyini vurğulayıb.

Mövzu ilə bağlı Xəzərnews.az-a danışan Ukrayna Azərbaycanlıları Birləşmiş Diasporunun Mətbuat katibi Qabil Osmanlı bildirib ki, mövcud hərbi vəziyyətdə Ukraynada prezident seçkiləri gözlənilmir.

“Ölkə konsitutsiyasinin 108-ci maddəsinə görə, növbəti prezident seçilənə qədər əvvəlki prezident öz vəzifəsini icra edir. Seçki yalnız hərbi vəziyyət aradan qaldırıldıqdan sonra keçirilə bilər. Öncəliklə, münaqişəyə aydınlıq gətirilməlidir. Hazırki vəziyyətdə isə münaqişənin hansı yolla bitəcəyi naməlumdur. Ehtimallar çoxdur, lakin sonda sözü Ukrayna xalqı deyəcək”,- o deyib.