FIFA məşqçilərin VAR-ın qərarlarına etiraz etməsinə icazə verə bilər.
"Report"un ESPN-ə istinadən məlumatına görə, FIFA Beynəlxalq Futbol Assosiasiyaları Şurasından (IFAB) Futbol Video Dəstək Sisteminin (FVS) sınaqdan keçirilməsinə icazə almağı planlaşdırır.
Sistemin mahiyyəti komandaların məşqçilərinin VAR-ın qərarlarına etiraz edə bilməsidir. FVS ilk dəfə 2024-cü ildə qadınlardan ibarət U-20, həmçinin 17 yaşadək komandalar arasında keçirilən dünya çempionatlarında tətbiq edilib.
FIFA-nın Hakimlər Komitəsinin sədri Pyerluici Kollina əldə edilən təcrübənin diqqətlə təhlil olunacağını bildirib. O, indiyə qədər gözlənilməz heç nə müşahidə etmədiklərini söyləyib.
Qeyd edək ki, VAR sistemi ilk dəfə 2017-ci ildə Rusiyada keçirilən Konfederasiyalar Kubokunda tətbiq olunub.
