Beynəlxalq birjalarda ABŞ dollarının məzənnəsi bu gün bir qədər də bahalaşaraq son 2 ilin ən yüksək səviyyəsinə çatıb.
Turkustan.az xəbər verir ki, bu barədə “Bloomberg” məlumat yayıb.
Belə ki, ABŞ-də seçkilərdən sonra birja indekslərində görünən qısa müddət ərzində səhm qiymətlərində davamlı artım (ralli) gücünü itirərkən, dollar yüksəlişini davam etdirir.
“Bloomberg” “Dollar İndeksi” yeni ticarət günündə məhdud da olsa, yüksəlişini davam etdirərək 2022-ci ilin noyabr ayından bu yana ən yüksək səviyyəyə - 1.287-ə çatıb. Avro/dollar pariteti 1,05 səviyyəsindədir.
İndeksin davamlı yüksəlişində Trampın rallisinin təsiri görünür.
Trampın qələbəsi dolları iqtisadi artımı və korporativ mənfəəti artıracağına dair gözləntilərlə dəstəkləmişdi.
Donald Tramp prezident seçkilərində qalib gəldikdən sonra respublikaçılar hər iki qanunverici orqanda çoxluğu əldə edərək Tramp və onun partiyasına tam nəzarəti təmin etdilər.
Respublikaçılar bu yaxınlarda cüzi fərqlə də olsa, Nümayəndələr Palatasında çoxluğu qazandılar.
Bu qələbə partiyanın immiqrasiya nəzarətində əlini gücləndirsə də, Wall Street qaydalarını azaldıb və vergi endirimlərini uzatsa da, Konqresdə Trampa qarşı araşdırma təhlükəsini də aradan qaldırıb. /cebheinfo.az/
