Əksər milli hökumətlər iqlim fəaliyyətinə nə qədər pul xərclədiklərini izləyə bilmir.
APA xəbər verir ki, bunu COP29 çərçivəsində “Hökumətlər iqlim sahəsində fəaliyyətlərində hansı mərhələdədirlər? – İqlim Skaneri qiymətləndirməsinin nəticələri” adlı tədbirdə Braziliya Federal Hesablama Məhkəməsinin audit şöbəsinin müdiri Hugo Chudyson deyib.
O bildirib ki, ölkələrin 73%-i xərcləri etiketləmir və ya daxili iqlim maliyyəsini izləmək üçün fövqəladə etiketləmə mexanizminə malikdir. Bu, birbaşa və dolayı yolla idarə olunan iqlim xərclərinin izlənməsini zəiflədir.
“Beynəlxalq maliyyəyə ən çox ehtiyacı olan ölkələrin ona çıxış imkanları aşağıdır. 44 ölkədən 21-də ehtiyacların qiymətləndirilməsi və ya mümkün maliyyə mənbələrinin xəritəsi yoxdur. Hökumətlərin iqlim layihələrinə özəl sektor investisiyalarını təşviq etmək strategiyalarında izləmə mexanizmləri və şəffaflıq yoxdur. Hökumətlırin 74%-nin izləmə mexanizmləri yoxdur. Demək olar ki, yarısı (41%) heç bir hesabat dərc etmir. Bu isə problemdir, çünki dövlət maliyyə mənbələri bu qlobal problemin öhdəsindən gəlmək üçün kifayət deyil” - Hugo Chudyson əlavə edib.
