“Cənubi Afrikanın şimalındakı Limpopo əyalətində 50 ibtidai məktəb şagirdi qida zəhərlənməsi şübhəsi ilə xəstəxanaya çatdırılıb”.
Yeniavaz.com xəbər verir ki, bu barədə əyalətin səhiyyə departamentinin nümayəndəsi Nil Şikvambana məlumat yayıb.
“İlkin olaraq Giyani şəhərindəki məktəbdən 39 şagird xəstəxanaya çatdırılıb, bir müddət sonra daha 11 şagirdə təcili tibbi yardım göstərilib. Onlar məktəb yeməkxanasında milli məktəb qidalanma proqramı tərəfindən verilən sıyıq yedikdən sonra mədələrində ağrı hiss ediblər”, - məlumatda deyilib.