İspaniya La Liqasının prezidenti Xavyer Tebas ona verilmiş suallar əsasında, dünya futbol tarixinin əfsanələri arasında seçimlər edib:
Arena.az İspaniyanın nüfuzlu “Marca” nəşrinə istinadən, Tebasın müvafiq sorğu üzrə sual-cavabını təqdim edir:
– Ronaldo yoxsa Messi?
– Messi.
– Xosep Qvardiola ilə “Barselona”, yoxsa Karlo Ançelotti ilə “Real”?
– Qvardiolanın “Barselona”sı, baxmayaraq ki, mən Madrid tərəfdarıyam.
– Dieqo Maradona, yoxsa Pele?
– Maradona. Pelenin oyununu görməmişəm.
– Andres İnyesta, yoxsa Raul?
– Raul.
Xatırladaq ki, 2023-cü ilin sonunda uzun müddət La Liqanın prezidenti olan Xavyer Tebas yenidən 4 illik müddətə daşıdığı vəzifəyə təkrar seçilib. Tebas 2013-cü ilin aprelindən İspaniya La Liqasının prezidenti vəzifəsini daşıyır.
