Azərbaycanın FIFA referisi Əliyar Ağayev UEFA-dan yeni təyinat alıb.
Yeniavaz.com xəbər verir ki, o, Millətlər Liqasının A Divizionunun 3-cü qrupunda Bosniya və Herseqovina ilə Niderland yığmaları arasında keçiriləcək VI tur oyununun baş hakimi olacaq.
Referiyə yan xətt hakimləri Zeynal Zeynalov və Akif Əmirəli kömək edəcəklər. Dördüncü hakim funksiyasını İnqilab Məmmədov yerinə yetirəcək. Matçın VAR hakimləri Polşadan Tomaş Kviatovski və Pavel Pskit olacaq.