İsrail ordusu Livanın paytaxtı Beyrutun cənubundakı Dahiye bölgəsinə ardıcıl 3 şiddətli hava hücumu həyata keçirib.
"Cebheinfo.az" xəbər verir ki, Livanın rəsmi xəbər agentliyi (NNA) hücumların Hureyk bölgəsini hədəf aldığını və hücumların çox şiddətli olduğunu bildirib.
Hücumlardan sonra ətrafı toz və tüstü bürüyərkən bir çox binanın dağıldığı, ətrafdakı binalara ciddi ziyan dəydiyi bildirilib.
Hücumlardan birinin bələdiyyə binasının arxasını hədəf aldığı, sonuncu hücumun isə xəbərdarlıq edilmədən bir binaya edildiyi bildirilib.
Hücum zamanı ölən və ya yaralanan olub-olmadığı barədə məlumat paylaşılmayıb.
