Yaponiya ordusu Avstraliya və ABŞ hərbçiləri ilə birgə təlim keçirmək üçün Avstraliyanın şimalındakı Darvinə müntəzəm səfər etməyə başlayacaq.
Day.Az-ın məlumatına görə, bu barədə Avstraliyanın müdafiə naziri Riçard Marles deyib.
"Bu gün biz Yaponiyanın Sürətli Yerləşdirmə Amfibiya Briqadasının üzvlərinin vaxtaşırı Avstraliyada yerləşdiriləcəyini elan edirik", - deyə o, Pentaqonun rəhbəri Lloyd Ostin və Yaponiyanın müdafiə naziri Gen Nakatani ilə birgə mətbuat konfransı zamanı deyib.
Marles qeyd edib ki, üç ölkənin hərbçiləri tərəfindən artan təlimlər "birgə müdafiə üçün həqiqətən fantastik fürsət" verir.
