"Barselona"nın və Braziliya millisinin sabiq hücumçusu Romario Kataloniya klubunda çıxış edən həçyerlisi Rafinyadan danışıb.
Fanat.Az xəbər verir ki, "Barca Universal" onun sözlərini belə çatdırıb:
"Rafinya dünyanın ən yaxşı oyunçularından biridir. O, "Barselona"da çox yaxşı oyun sərgiləyir, millidə də. Rafinya bütün braziliyalıların fəxridir. Bu futbolçu bizə hələ çox şey hədiyyə edəcək".
Xatırladaq ki, Rafinya "Barselona"ya 2022-ci ilin yayında "Lids"dən transfer olunub. O vaxtdan bəri bütün turnirlərdə 104 matça çıxan vinger 32 qol və 35 məhsuldar ötürmə ilə yadda qalıb. Cənubi amerikalı oyunçunun İspaniya nəhəngi ilə müqaviləsinin müddəti 2027-ci ilin yayına qədər nəzərdə tutulub.
Nihat
