Prezident Salome Zurabişvili Gürcüstandakı mövcud vəziyyətin nizamlanması planını təqdim edib.
Teleqraf.com xəbər verir ki, prezident son parlament seçklərinin saxtalaşdırıldığını bildirib.
Zurabişvilinin sözlərinə görə, seçkiləri etibarlı və legitim hesab etmək olmaz, çünki iki fundamental hüquq - səsvermənin gizliliyi və ümumi seçki hüququ pozulub.
Prezident çıxış yolunu yeni seçkilərin keçirilməsində görür:
“Ölkə ciddi təhlükə altındadır. Bunlardan biri sabitliyin pozulmasıdır. Bu, ikili gücə və qütbləşmənin dərinləşməsinə səbəb ola bilər. Daxili siyasi sabitliyin pozulması xarici siyasi sabitliyin pozulmasına gətirib çıxara bilər. Təhlükə o zaman artır ki, bir ölkə tərəfdaşlarla yaxın münasibət qurmaq əvəzinə, indiki hakimiyyətə xas olan təcrid rejimi seçir. Bu ölkənin prezidenti kimi mənim buna icazə verməyə haqqım yoxdur. Bunun baş verməsinə icazə verməyəcəm.
Ona görə də biz vəziyyətdən çıxış yolunu birlikdə axtarmalı, onu cəmiyyətə, siyasi qüvvələrə, tərəfdaşlara təklif etməliyik. Bunu hakimiyyət də eşitməlidir”.
Zurabişvilinin planı belədir:
“Beynəlxalq araşdırma ilə yeni seçkilər mövcud və düzəldilməli olan sistem qüsurlarını müəyyən etməlidir. Həmçinin, ATƏT/DTİHB-nin tövsiyələri nəzərə alınmaqla, Mərkəzi Seçki Komissiyasının yenidən formalaşdırılması və Seçki Məcəlləsinə dəyişikliklər, həmçinin seçki mübahisələri üzrə xüsusi məhkəmənin yaradılması. Oktyabrın 26-dək olan siyasi vəziyyətin davam etməsi. Seçkilər olmadığına görə yeni heç nə yarana bilməz. Yəni sabitlik üçün keçid dövründə yaşamağa davam edirik. Mən artıq beynəlxalq tərəfdaşları dəstəkləmək üzərində işləyirəm.
Seçkilərin nəticələrinin xülasəsini sizə təqdim etməliyəm. Konstitusiya ilə təmin edilən əsas hüquqlar və bütün beynəlxalq standart və prinsiplər - səsvermənin gizliliyi və ümumi seçki hüququ pozulub”.
Zurabişvili vurğulayıb ki, prezident və müxalifət seçkilərin legitimliyini tanımır: “Cəmiyyətin əksəriyyəti bunu tanımır və ədalətli etirazını davam etdirir. Qeyri-hökumət və nəzarətçi təşkilatlar tanınmır. Üç həftə keçib, əsas demokratik tərəfdaşlardan heç biri seçkiləri tanımadı. Əksinə, pozuntuları önə çəkirlər. Hökm belədir: seçkilər baş tutmadı”.
