Avropa İttifaqı Gürcüstan hökuməti üçün ayrılmış 120 milyon avrodan çox vəsaiti başqa məqsədlərə yönəltməyi planlaşdırır.
“Cebheinfo.az” DW-yə istinadən xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Cozef Borrel Aİ Xarici Əlaqələr Şurasının Brüsseldə keçirilən iclasında keçirdiyi mətbuat konfransında deyib.
Oktyabrda Gürcüstanda keçirilən parlament seçkilərinin ölkənin “indiki hökumət dövründə demokratik geri çəkilməsini” təsdiqləməsinə reaksiya verən Aİ Avropa Sülh Fondu vasitəsilə ölkənin silahlı qüvvələrinə dəstəyini geri götürüb. Həmçinin birbaşa olaraq Gürcüstana 121 milyon avronun ayrılmasını ləğv edib.
Avropa diplomatiyasının rəhbəri qeyd edib ki, bu vəsaitlər “vətəndaş cəmiyyətinə və bilavasitə gürcü xalqına fayda verən proqramlara”
Seçkilərdə “nələrin baş verdiyini diqqətlə öyrənmək” üçün Brüssel Gürcüstana siyasi missiya göndərəcək. Eyni zamanda, Demokratik Təsisatlar və İnsan Haqları Bürosundan Gürcüstanın seçki müşahidə missiyasının rəhbəri seçki pozuntuları ilə bağlı öz qiymətləndirməsini təqdim etmək üçün dəvət olunacaq.
““Gürcü arzusu”nun liderləri gürcü xalqının arzularına və ölkənin Aİ-yə doğru irəliləmək məqsədinə zidd olaraq ölkəni Avropa İttifaqı yolundan uzaqlaşdırdılar. Biz hamımız Gürcüstan üçün eyni şeyi istəyirik - onu Avropa yoluna qaytarmaq”, - Josef Borrel vurğulayıb.
“Gürcü xalqına ötən il Gürcüstana səfərim zamanı dediyimi təkrarlamaq istəyirəm: Avropa İttifaqının qapısı Gürcüstan üçün açıq qalacaq”,-deyə o bildirib.
