Donald Trampın yeni administrasiyası Mərkəzi Asiyaya regionun layiq olduğu əhəmiyyəti verməli və Mərkəzi Asiya ölkələri ilə əlaqələri inkişaf etdirmək üçün resurslara sərmayə qoymalıdır. Bu barədə “Modern Diplomacy” məqaləsində deyilir.
Mərkəzi Asiya Çin və Rusiya arasında tarazlıq yaradır və həqiqi müstəqilliyini qorumaq üçün Qərbin dəstəyində maraqlıdır. Şərq və Qərb arasında malların daşınması üçün orta dəhliz regionun Çin və Rusiya Federasiyasından asılılığını azaltmaq üçün yaxşı nümunədir. Amma fürsət pəncərəsi həmişəlik açıq olmayacaq və ABŞ bunu tez bir zamanda ələ keçirməlidir.
Bunun üçün əsas vasitələrdən biri region ölkələrinin rəqəmsallaşması prosesidir. Qərb, o cümlədən ABŞ bunun üçün daha çox sərmayə qoymasa, Mərkəzi Asiya “Rəqəmsal İpək Yolu”nun bir hissəsi kimi Çin yardımını qəbul etmək məcburiyyətində qalacaq və Çinin bölgədəki təsiri xeyli artacaq.
Ülviyyə, Hurriyyet.az
