Futbol üzrə Azərbaycan milli komandası UEFA Millətlər Liqasında çıxışını başa vurdu.
Məlum olduğu kimi, Fernandu Santuşun rəhbərlik etdiyi milli komandanın yarışdığı C liqasının 1-ci qrupunda nəticəsi acınacaqlı olub. Cəmi 1 xal toplayan Azərbaycan millisi D liqasına düşüb.
QOL.az xəbər verir ki, D liqasında Avropanın ən zəif 6 komandası yarışır. Tarixdə ilk dəfə yeni mövsümdən həmin millilər sırasına Azərbaycan da qoşulacaq.
Onu da qeyd etmək vacibdir ki, Azərbaycan millisinin statistik göstəriciləri də məyusluq doğurur. 54 komandanın yarışdığı Millətlər Liqasında Azərbaycan millisi ən az xal toplayan 5 komandadan biri olub:
Qazaxıstan (B liqası) - 1 xal
Azərbaycan (C liqası) - 1 xal
Andorra (D liqası) - 1 xal
Finlandiya (B liqası) - 0 xal
Litva (C liqası) - 0
Yarışda milli komandamız 3 qol vurub ki, bu nəticə ilə onlar yalnız 43-cü yeri tuta bilib.Bu da bir aclnacaqlı göstərici.
Bundan başqa, Azərbaycan millisi ən çox qol buraxan (17 dəfə) 2 komandadan biri olub. Daha bir məyusluq. Digəri isə A liqasında mübarizə aparmış Bosniya ve Herseqovinadır (17).
Vurulan və buraxılan qollar arasındakı göstəricidə də bizimkilərin nəticəsi yalnız təəssüf yaradır.
Qazaxıstan - 0 qol vurub, 15 qol buraxıb (-15)
Azərbaycan - 3 qol vurub, 17 qol buraxıb (-14)
Bosniya və Herseqovina 4 qol vurub, 17 qol buraxıb (-13)
