Rusiya qoşunları Ukraynanın Donetsk vilayətində İlyinka yaşayış məntəqəsini nəzarətə götürüb.
Bu barədə Rusiya Müdafiə Nazirliyi məlumat yayıb.
\"Rusiya Silahlı Qüvvələrinin bölmələri \"Donetsk Xalq Respublikası\"nın (Ukraynanın Donetsk vilayəti-red) Kuraxovsk rayonu istiqamətində İlyinka yaşayış məntəqəsini azad edib\", - deyə bildirilib.
Bundan əlavə, məlumatda Rusiya Silahlı Qüvvələrinin Ukrayna Silahlı Qüvvələrinin aerodromlarına və pilotsuz uçuş aparatlarının anbarlarına zərbələr endirdiyi bildirilib.
