Avstraliya 2022-ci il fevralın 22-dən bağlanmış Kiyevdəki səfirliyini yenidən açmaq niyyətindədir. Bu barədə baş nazirin müavini Riçard Marles məlumat verib.
Onun sözlərinə görə, hökumət “Ukraynadakı səfirliyini yenidən açmaq istəyir, lakin diplomatik personalın təhlükəsizliyinin təmin edilməsi üzrə işlər hələ tamamlanmayıb”. "Müharibə bölgəsində bina aça biləcəyimizə və səfirlikdəki hər kəs üçün təhlükəsiz olacağına əmin olmalıyıq"- dedi Marles.
O, həmçinin qeyd edib ki, Avstraliya hakimiyyəti “Ukrayna hökuməti ilə sıx əməkdaşlıq edir və münaqişə zamanı onu dəstəkləyir”. "Biz Kiyevdə səfirliyin açılması məsələsində onlarla işləməyə davam edəcəyik və bütün riskləri və təhlükələri qiymətləndirəcəyik", - baş nazirin müavini vurğulayıb.
Oxuməni.az
