Ukrayna Böyük Britaniyanın tədarük etdiyi uzaq mənzilli “Storm Shadow” qanadlı raketlərindən Rusiya ərazisində ilk dəfə istifadə edib.AFN.az xəbər verir ki, bu barədə Britaniya mətbuatında yazılıb. Ölkə mətbuatında yer alan xəbərlərə görə, Rusiyanın Kursk vilayətinin Marino kəndinin sakinləri Britaniya-Fransa istehsalı olan “Storm Shadow” raketinin hissələrini aşkar ediblər.Sözügedən raketlərin bölgədə istifadə edilib-edilməməsi ilə bağlı İngiltərə və Rusiyadan hələlik rəsmi açıqlama yoxdur.“Storm Shadow” raketlərinin 250 kilometrdən çox mənzilə sahib olduğu bilinir.Bu, ABŞ administrasiyasının Ukraynaya tədarük etdiyi uzaq mənzilli Quru Taktik Raket Sistemləri (ATACMS) raketlərinin Rusiya ərazisində məhdud şəkildə istifadəsinə icazə verməsi xəbərindən sonra baş verib.
