Solçu blokun ən böyük partiyası “İtaətsiz Fransa” Emmanuel Makronun hakimiyyətdən kənarlaşdırılması prosedurunu başlatmaq üçün yenidən müraciət edib.
Bakupost.az xəbər verir ki, bu barədə AFP agentliyi məlumat yayıb.
Müraciət Fransa Milli Assambleyasının (parlamentin aşağı palatası) Bürosu tərəfindən təsdiqlənib.
Qeyd olunur ki, deputatlar müvafiq qətnaməni noyabrın 28-də təqdim etməyi planlaşdırırlar.
Xatırladaq ki, bu partiyanın nümayəndələri payızın əvvəlində oxşar təklif irəli sürmüşdülər, lakin sonradan bu təklif rədd edilmişdi. Təşəbbüs ölkə konstitusiyasının 68-ci maddəsinə uyğun olaraq prezidentin hakimiyyətdən kənarlaşdırılması prosedurunu nəzərdə tutur.
