Əl-Hilalın PSJ-dən 90 milyon avroya heyətinə qatdığı Neymar zədə səbəbindən uzun müddət meydanlardan uzaq olub və gözləntiləri qarşılaya bilməyib. Bu mövsüm cəmi 2 matçda meydana çıxa bilən braziliyalı ulduzun müqaviləsi mövsümün sonunda başa çatacaq. Komandadan ayrılacağı gözlənilən təcrübəli futbolçu sürpriz qərar verərək Səudiyyə Ərəbistanında ev alıb.
News24.az xəbər verir ki, Neymar Səudiyyə Ərəbistanındakı Bugatti Residence-də 43 milyon funta penthaus alıb. Ulduz futbolçunun şəhər mənzərəsi ilə yanaşı şəxsi hovuzu və əgər istəsə avtomobilini dama çıxara biləcək bir sistemi də var.
Digər tərəfdən 32 yaşlı futbolçunun Səudiyyə Ərəbistanından aldığı 43 milyonluq bu ev ulduz adının ən bahalı mülk investisiyası olub.
Onu da qeyd edək ki, Neymarın yeganə sərmayəsi Səudiyyə Ərəbistanı ilə məhdudlaşmır. O, əvvəl Mayamidə çimərlik kənarında 20 milyon funta torpaq, ölkəsi Braziliyada 7 milyon funta ada alıb.
Günel Məlikzadə
