"Çelsi"nin sabiq futbolçusu hazırda "Milan"ın yarımmüdafiəçisi Kristian Pulişiç qış transfer pəncərəsində İngiltərə çempionatına qayıda bilər.
90deqiqe.Az-ın "Calciomercato"ya istinadən məlumatına görə, 26 yaşlı amerikalı futbolçunun xidmətində "Liverpul", "Mançester Yunayted" və "Vest Hem" klubları maraqlıdır.
Mütəxəssislər futbolçunun transfer dəyərini 50 milyon avro qiymətləndirib.
Qeyd edək ki, Pulişiç 2019-2023-cü illərdə "Çelsi"nin heyətində Premyer Liqada çıxış edib. Bu mövsüm Kristian Pulişiç İtaliya liqasında "Milan"ın heyətində 11 oyun keçirib, bu oyunda 5 qol vurub və 3 məhsuldar ötürmə edib.
