Beynəlxalq Cinayət Məhkəməsi (BCM) İsrailin Baş naziri Benyamin Netanyahu və keçmiş müdafiə naziri Yoav Qallantla bağlı sensasiyalı hökm çıxarıb.
Mia.az xarici mətbuata istinadla xəbər verir ki, hökmlə bağlı BCM xüsusi açıqlama yayıb.
Bəs, həbs qərarı necə icra olunacaq?
Nizamnamənin 89-cu maddəsinə əsasən, Netanyahu və Qallant BCM-nin iştirakçısı olan hər hansı ölkəyə səfər edərlərsə, həmin ölkənin səlahiyyətli orqanları onları həbs edib Haaqa məhkəməsinə verməlidir.
Yeri gəlmişkən, bu məhkəmənin əvvəllər çıxardığı həbs qərarlarının icrasında ikitirəliklər olub. Belə ki, Sudanın keçmiş lideri Ömər əl-Bəşirin həbsinə dair order Cənubi Afrika və İordaniya tərəfindən, Rusiya prezidenti Vladimir Putin haqqında hökm isə Monqolustan tərəfindən icra olunmayıb.
Bununla belə, həbs qərarı şübhəlilərin hərəkət azadlığını praktiki olaraq məhdudlaşdırır. İddia olunur ki, Putin barəsində həbs qərarı çıxarıldığı üçün BRİKS sammiti üçün o, Cənubi Afrikaya getməkdən yayınıb.
Bildirilir ki, Netanyahu və Qallant həmçinin Kanada, Avstraliya, İngiltərə, Fransa, Almaniya, Hollandiya, Belçika və İsveç kimi ölkələrin daxil olduğu 124 üzv ölkəsinə də səfərlərə gedə bilməyəcəklər.
Lamiyə Əhmədli
MİA.AZ
