Futbol üzrə Azərbaycan Premyer Liqasında mübarizə aparan “Kəpəz”in daha bir futbolçusu – Elmir Tağıyev də əməliyyat olunub.
Arena.az xəbər verir ki, bu barədə Gəncə təmsilçisinin mətbuat xidməti məlumat yayıb.
Yarımmüdafiəçi əzələ qopmasından əziyyət çəkirdi. Tağıyev bu gün İstanbulda cərrahiyyə əməliyyatı edilib. Əməliyyatı uğurlu alınan futbolçunun bərpa müddəti 3 həftə davam edəcək.
Elmir Tağıyev 2023-cü ilin yayından formasını geyindiyi “Kəpəz”də 32 oyun keçirib, 1 qola imza atıb. 24 yaşlı mərkəz yarımmüdafiəçisi daha öncə “Səbail” və “Turan Tovuz”da da çıxış edib.
Xatırladaq ki, “Kəpəz” bu gün mərkəz müdafiəçisi İlkin Qırtımovun da əməliyyat olunduğunu açıqlamışdı. Elmirdən fərqli olaraq, İlkinin əməliyyatı Bakı şəhərində baş tutub. Onun da bərpası üç həftə sürəcək.
